O vindeiro martes 16 de abril terá lugar ás 20 horas na Real Academia Galega de Belas Artes o terceiro e último concerto do Ciclo “Sonatas de Beethoven” no que Julio Mourenza, piano e Stefan Marinescu, violín interpretarán a Sonata nª 8, op. 30/3 en Sol Maior; a Sonata nº 9, op. 47, “Kreutzer” en La Maior e a Sonata nº 10, op. 96 en Sol Maior do compositor alemán Ludwig van Beethoven.
O acto está encadrado nos “Martes das Artes” e terá entrada libre ata completar capacidade.
JULIO MOURENZA
A Coruña (1969). Julio Mourenza inicia os seus estudos pianísticos coa profesora Natalia Lamas, no Conservatorio Superior de Música de A Coruña, séndolle concedida a Matrícula de Honra e o Premio Extraordinario de Fin de Carreira.
[...]
A un tempo que a Real Academia Galega de Belas Artes celebra a dedicación do ano 2024 a Francisco Asorey acordou, por mor da celebración do "Día das Artes Galegas", abrir o prazo de propostas para a dedicación do vindeiro ano 2025 e de tal xornada a unha figura senlleira das artes de Galicia. A centenaria institución, seguindo o Regulamento para a elección de candidaturas, outorga o prazo do 1 ao 30 de abril para entrada de propostas debidamente razoadas que deberán ser dirixidas á Real Academia Galega de Belas Artes (praza Pintor Álvarez de Sotomayor, 1. 15001 A Coruña) ou ao mail info@academiagalegabelasartes.gal por organismos, institucións ou asociacións culturais. A primeira dedicación do día 1 de Abril, foi no 2015 ao Mestre Mateo, a do 2024 dedicouse a Francisco Asorey.
[...]
INTRODUCCIÓN
A Medalla de Honra instituíuse o 28 de Xaneiro de 1989. Os Estatutos da Real Academia Galega de Belas Artes de Nosa Señora do Rosario, fundada por Real Decreto o 31 de Outubre do ano 1849, determina que a súa finalidade é, entre outras, promover e realizar estudos de investigación e para o fomento e desenvolvemento das manifestacions artísticas dentro de Galicia.
A necesidade de recoñecer os valores dos artistas e dos que traballan en beneficio das Belas Artes, fai precisa a creación por parte da Academia dunha Medalla de Honra.
BASES XERAIS. APROBADAS EN SESIÓN DE 31 DE MAIO DE 2014
ARTIGO PRIMEIRO
A Real Academia Galega de Belas Artes de Nosa Señora do Rosario institúe, con carácter honorífico e para estímulo de cantas manifestacións redunden en beneficio das Belas [...]