O vindeiro venres 6 de febreiro ás 11horas terá lugar na EASD Pablo Picasso (Os Pelamios, 2. A Coruña) a primeira charla-coloquio sobre a colección de arte do Parlamento de Galicia. Ambas as dúas  Institucións acordaron, despois dos protocolos asinados, poñer en marcha  o programa Charlas-coloquio A Nosa Arte relativo ao fondo artístico da cámara en centros educativos e culturais do territorio galego e que ten como obxectivo divulgar aspectos sobre a valiosa e variada colección de arte do Parlamento Galego, fondos con representación das principais figuras  da pintura, a escultura e a fotografía de Galicia.

O acto contará coa participación de Miguel Santalices Viera, Presidente do Parlamento de Galicia; Manuel Quintana Martelo, Presidente da Real Academia Galega de Belas Artes e Felipe Senén López Gómez, Secretario e Académico que actuará como ponente.