O vindeiro sábado 6 de xuño ás 19 horas terá lugar no Museo de Arte Contemporánea Costa da Morte (Rúa Real, 14  O Porto de Corme, A Coruña) a Sesión extraordinaria pública de entrega dos Premios á constancia musical «Marcial del Adalid» aos compoñentes da Coral “Brisas do Mar” de Corme Dona Flora Canosa Rellán; Don Serafín Castro Fondo; Dona Josefa Centeno Pombo; Dona María José Cotelo Ouréns; Dona Elvira Doldán Canosa; Dona Lola García Souto; Dona Blanca Méndez Ouréns; Dona Ángela Méndez Suárez; Dona Estrella Nuñel Méndez; Dona Juana Ouréns González; Dona Teresa Pérez Filgueira; Dona Rosa Varela Pasandín; Don Antonio Varela Suárez; Don Severino Vidal Saleta; Dona Sabina Centeno Lema; Don Santiago Peña García; Don Ramón Saleta Neira; Dona María Souto Facal; Dona Carmen Soto Pombo e Don Manuel Varela Chans.

O acto contará coa intervención dos académicos don Juan Durán Alonso, quen lerá a laudatio na honra da Coral e dos coralistas, dona Rosa Cedrón Fernández, quen actuará como secretaria accidental e don Manuel Quintana Martelo, presidente da Institución, así como do do secretario da Coral Brisas do Mar don Ramón Saleta Neira, e rematará coa interpretación por parte da Coral das obras “O galopín”; “O miudiño”; “O meu amor é mariñeiro” e “O Sancristán de Coímbra”

En xuño de 1949, a Academia instituíu os premios, coa denominación de «Marcial del Adalid», «Para estímulo de todo aficionado a la Música, y con objeto de enaltecer la destacada labor de aquellos elementos que, desinteresadamente, vienen contribuyendo eficazmente a las meritorias actividades de las diversas Agrupaciones musicales de Galicia».

Na sesión ordinaria celebrada o día 30 de abril de 2005, a Corporación aprobou as novas Bases para a concesión dos premios «como estímulo á práctica musical non profesional, que de forma desinteresada e constante veñen realizando persoas e institucións de Galicia, mediante a súa participación e mantemento de agrupacións artísticas», nas súas dúas modalidades: a) Premio persoal á constancia musical, consistente en Diploma e Insignia. b) Distinción para personalidades destacadas no eido da música non profesional e para agrupacións musicais, consistente en Diploma e Medallas de Ouro e Prata.