O Diccionario da lingua española define as academias como “sociedades científicas, literarias o artísticas establecidas con autoridad pública y como establecimiento docente, público o privado, de carácter profesional, artístico, técnico, o simplemente práctico, además de identificar el término con la reunión de sus componentes (l@s académic@s ) y con el edificio que las aloja.
Ás portas de douscentos anos de historia e, polo tanto, das perspectivas que proporciona o tempo sirvan para expor, divulgar, enxergar, valorar e actualizar a significación da Real Academia Galega de Belas Artes. Institución interdisciplinar, órgano consultivo das administracións nas súas obrigas do cumprimento do artigo 46 da Constitución Española, conformada por intelectuais, especialistas nos diferentes eidos das artes, para consolidando o senso democrático dar respostas que garantan canto significa a creación, a salvagarda, o estudo, a difusión e a sensibilización do patrimonio cultural.
M. Quintana Martelo (Presidente da Real Academia Galega de Belas Artes)
A historia das academias pérdese na Grecia clásica: na Academia creada no século IV a.C. por Platón. Seguida por Aristóteles, proliferando en Atenas, Alexandría, na Roma de Augusto ou de Adriano... Institucións caracterizadas polo estudo e a formación.
No medievo todo se acolle baixo a aura da Igrexa, a que retoma aquela idea para crear escolas arredor dos mosteiros, de catedrais e mesmo palatinas, conducindo o saber polo escolasticismo, orixe da universidade... Galicia estivo na cerna deste acontecer.
No Renacemento retómanse os saberes grecolatinos de base humanista. As academias trunfan en cidades abertas ao saber, como a Florencia dos Medici. A madurez científica leva entón a interaccionar saberes, nacen sociedades científicas, as que trunfan no século XVII, mesmo clubes, irmandades... Xa a fins do século XVI, tempos de Felipe II e por determinación Real, créase en Madrid a Academia de Matemáticas, en Sevilla a de Medicina y Cirugía . Xa no século XVIII, anos dos Borbóns, a Ilustración francesa impón as modas, entre as que se van organizando en España as Reais Academias, non só da Corte, senón nas máis influintes provincias. A intención é anovar criterios respecto a unhas entón anquilosadas universidades. Así o lembra o cántico universitario “Gaudeamus Igitur” creado no século XVIII.
A CORUÑA, CIDADE LIBERAL, ILUSTRADA...CERNA DE CORPORACIÓNS ACADÉMICAS
As academias significaban a modernidade e mesmo así será no caso da cidade portuaria da Coruña, cidade aberta ás tendencias do liberalismo, tal como lembra Carlos Martinez Barbeito. De tal xeito, debera terse en conta e rescatarse que no 1765 crease na cidade un precedente importante, a Real Academia de Agricultura da Coruña, antecedente das renovadoras Sociedades Económicas de Amigos del País, ao albeiro tamén do que, no 1785, tempos de Carlos III, se crea na Coruña unha institución pioneira e referente, o Real Consulado do Mar, matriz de moitas outras institucións e actividades. Anos nos que se multiplican na cidade parladoiros, entre eles os médicos, velaí a delegación da Real Protomedicato, creada na cidade en 1784 e base para a que, en 1830 se cree a Real Academia de Mecina y Cirugía de Galicia y Asturias, a decana das academias galegas. No 1842 na mesma cidade nace a Sociedade Económica de Amigos del País e que será ensombrecida por outras institucións.
NACE A ACADEMIA DE BELAS ARTES, CREADORA E IMPULSORA DUNHA ESCOLA, DE MUSEOS...
E así, en momentos de lamentable estado do patrimonio cultural, por decreto de 31 de outubro do 1849, reinado de Isabel II, en cidades cun pulo económico créanse as selectas oito Academias Provinciales de Bellas Artes, entre elas a da Coruña, cidade emprendedora, aberta, liberal, florecente na industria, nas artes, no ambiente militar... Academia de Belas Artes á que, no 1916, se lle concede o título de Real, asociada ao Instituto de España de las Academias, vinculada e delegada da Academia de San Fernando. Academia de Belas Artes Provincial da Coruña que crea, sostén e dirixe a Escola de Belas Artes, na que, entre outros, se formará Picasso, e que, no 1902 e pola insistencia do Marqués de San Martín de Hombreiro consigue, no 1922, a creación do Museo de Belas Artes, o que ,a partires de 1938 contará con espazo propio, compartido coa Academia, nas partes altas do singular edificio do Consulado, todo grazas ás xestións de Álvarez de Sotomayor.
No 1947 e tomando como modelo as demais do Estado, baixo a advocación dalgún santo, engádese ao seu nome o da patroa da cidade, Nosa Señora do Rosario.
Coa creación das autonomías, no 1984 e seguindo un proceso lóxico, a instancias do seu presidente Manuel Chamoso Lamas, por determinación ministerial e informe do Instituto de España, a Academia adscríbese á Xunta de Galicia e pasa a denominarse dende entón como Real Academia Galega de Belas Artes. Sempre reivindicando o obxectivo da súa creación e espírito democrático, como órgano consultivo das administracións.
Dende 1985 e ao proxectarse un novo Museo no antigo e inmediato mosteiro das Capuchinas, a instancias do presidente da Academia, Carlos Martínez Barbeito, ínstanse ao Ministerio de Educación e ao Concello a ceder para os fins da Academia os espazos que, até entón compartía e ocupaba prioritariamente o Museo, dirixido pola Academia.
7 SECCIÓNS X 5 ACADÉMIC@S: 35
Arquitectura/ Música/ Arqueoloxía e Museoloxía/ Pintura e Gravado/ Escultura/ Expertos nas Artes/ Artes da Imaxe/ cada sección cun máximo de cinco académic@s numerarios. Máis académicos de honra, supernumerarios e correspondentes.
UNHA CONSTANTE ACTIVIDADE NO IMPULSO, PROTECCIÓN, ESTUDO E DIVULGACION DO PATRIMONIO CULTURAL
A Academia Galega de Belas Artes ademais de ser órgano consultivo das administracións é a impulsora e creadora da
* Histórica Escola de Belas Artes da Coruña
* Museo de Belas Artes da Coruña
* Museo Arqueolóxico de San Antón
* da Asociación de Artistas...
* Do Instituto Cornide de Estudos Coruñeses
* Integrada no Consello da Cultura Galega
* Recuperación de legados de carácter histórico e cultural
* Creadora do Arquivo Musical de Galicia
*Creadora do Arquivo fotográfico de Manuel Chamoso Lamas
* Institución que concede a súa Medalla de Ouro por méritos en canto significa o patrimonio cultural, a creación, etc.
* Institución que concede medallas ao mérito musical Marcial del Adalid
* Cursos de Doutorado
* Publicación de Abrente
* Recuperación e catalogación do arquivo particular e fotográfico de Chamoso Lamas
* Exposición e divulgación da obra de investigación e recuperación realizada por Chamoso Lamas
* Salón de Outono de pintura
* Celebración de cada 1 de abril como Día das Artes de Galicia cos conseguintes actos, publicacións, exposicións, itinerarios de autor, etc.
* Martes das Artes: Conferencias de divulgación.
*Concertos
BIBLIOGAFIA ELEMENTAL SOBRE A HISTORIA DA ACADEMIA
CHAMOSO LAMAS, MANUEL: “ La Ral Academia de Bellas Artes N. Sr. del Rosario” ( Presente y futuro de la Coruña, pp 36-60, vol II, Instituto José Cornide de Estudios Coruñeses) Coruña 1984.
MEIJIDE PARDO, ANTONIO: La Academia y Escuela de Bellas Artes de la oruña (1840-1875). Deputación Provincial da Coruña. 1989
PADIN PANIZO, ANGEL: Real Academia Gallega de Bellas Artes: 1850-2000. Edición da Real Academia Gallega de Bellas Artes. Coruña 2009.